Elektroniskinngorlugu paasissutissiisarneq

Naatsorsueqqissaartarfiup avammut attaveqartarnera elektroniskinngorlugu pinerusarpoq. Elektroniskinngorlugu paasissutissiisarneq akikinneruvoq, sukkanerulluni aammalu tigusisartut assigiinngitsut pisariaqartitaat naapertorlugit allanngortikkuminarluni.

 

Nittartakkami tusagassiuutinut nalunaarutit, saqqummersitat, immikkut saqqummersitat, ukiumoortumik kisitsisitigut paasissutissat aamma kisitsisaataasivik ataatsimoortillugit takuneqarsinnaanerat neqeroorutigineqarpoq. Nittartagaq danskisuujuneruvoq kalaallisuujunerullunilu, immikkoortulli pingaarnerit tuluttut nutserneqarnikuupput.

 

2014-imi alakkarterisut 63 pct.-inik amerlanerupput

Naatsorsueqqissaartarfiup nittartagaa 2014-imi inunnit assigiinngitsunit 37.560-init 55.262-eriarluni alakkarterneqarpoq. Quppernerit assigiinngitsut 212.751-it takutinneqarput. Tamassuma assigaa alakkarterinermi ataatsimi quppernerit takutinneqartut 3,85-it[1], tak. takussutissiaq ataaniittoq. Alakkarterisut 2013-ip kingorna 63 %-inik amerleriarput.

 

Takussutissiaq 2. 2014-imi Naatsorsueqqissaartarfiup nittartagaanik alakkarterisut

	Allakkarterisut	Quppernerit takutinneqartut	Alakkarterinermi ataatsimi quppernerit takutinneqartut
Katilugit.........................	55.262	212.751	3,85
Januaari .........................	2.995	7.121	2,38
Februaari .........................	3.867	13.769	3,56
Marsi ............................	5.523	25.511	4,62
Apriili ............................	4.804	20.192	4,2
Maaji ............................	4.746	20.067	4,23
Juuni ............................  .................................	3.627	15.103	4,16
Juuli ............................  .................................	3.205	12.208	3,81
Aggusti ..........................	3.738	14.024	3,75
Septembari .......................	5.028	20.230	4,02
Oktobari .........................	5.409	21.354	3,95
Novembari ........................	7.245	26.290	3,63
Decembari ........................	5.075	16.882	3,33

 

Alakkarterisut ukiup ingerlanerani allanngorartorujussuullutik agguaqatigiissillugu ullormut maannakkut 151-iulerput.

Alakkarterisut nunanit assigiinngitsunit 123-neersuupput. Naatsorsueqqissaartarfiup nittartagaanit tamarmiusunit 41 %-ii Danmarkimi internetimik atuisuupput, taavalu alakkarterisut 39 %-ii Kalaallit Nunaanni atuisuullutik.

 

Takussutissiaq 3. 2014-imi Naatsorsueqqissaartarfiup nittartagaanik alakkarterisut, nunanut agguarlugit

Nuna	Amerlassusaat
Katillugit.............................................................	55.262
Danmark............................................................	22.403
Kalaallit Nunaat.......................................................	21.530
USA................................................................	2.007
Norge...............................................................	1.590
Storbritannien........................................................	790
Tyskland............................................................	620
Canada.............................................................	618
Sverige.............................................................	603
Island...............................................................	489
Frankrig.............................................................	364
Nunat allat...........................................................	4.248

 

Saqqummersitsinerit

Kalaallit Nunaanni Naatsorsueqqissaartarfimmit saqqummersittakkat tamarmik nittartakkami akeqanngitsumik pissarsiarineqarsinnaapput. Naatsorsueqqissaartarfik suliassanut pilersaarut malillugu Ukiumoortumik Kisitsisitigut Paasissutissat ilanngunnagit 56-inik saqqummersitsisussaavoq. Taakkunannga 91 %-ii 2014-imi saqqummersinneqarput 2013-imi 87 %-iusut. Piffissaq eqqorlugu saqqummersinneqartut aatsaat taamak amerlatigipput.

 

Takussutissiaq 4. 2013-imi 2014-imilu saqqummersitsinerni piffissamik eqquineq

	Saqqummersinneqartut amerlassusaat
	2013	2014
Piffissaq eqqorlugu......................................	46	51
Sapaatip akunnera ataaseq tikillugu kingusinaarluni saqqummersinneqartut...................................	0	0
Qammat ataaseq tikillugu kingusinaarluni saqqummersinneqartut....	2	3
Qaammat ataaseq sinnerlugu kingusinaarluni saqqummersinneqartut.	3	1
Ukiup tullianut kinguartinneqartut taamaatiinnarneqartulluunnit.....	2	1
Katillugit...............................................	53	56

 

Kisitsisaataasivik

Saqqummersinneqartunut atatillugu tabelini arlalinni immikkuualuttunngorlugit paasissutissat kisitsisaataasivimmi takuneqarsinnaaput. Naatsorsueqqissaartarfiup nittartagaatigut imaluunnit toqqaannartumik adressimi bank.stat.gl kisitsisaataasivimmut alakkaasoqarsinnaavoq. Kisitsisaataasivimmik atuisut 2014-imi tabelit assigiinngitsut 220-t sinnerlugit akornanni toqqarsinnaavaat, ukiup siuliani 215-iupput.

 

Kisitsisaataasivimmi kisitsisaatigineqartut aaneqarsinnaapput atuisullu namminneq programiutaanni imaluunniit periarfissat allat kisitsisaateqarfiup atuisunut quppersagaaniittut atorlugit suliarineqarsinnaapput. Tabelini tamani oqaatsit pingasut atorneqarput: Kalaallisut, danskisut tuluttullu.

 

Takussutissiaq 5. Naatsorsueqqissaartarfiup kisitsisaataasivianut 2014-imi alakkaasut

	Alakkaasut	Quppernerit takutinneqartut	Alakkaanermi ataatsimi quppernerit takutinneqartut
Katillugit	11.639	24.878	2,14
Januaari................................	986	2.363	2,4
Februaari ...............................	1.023	2.305	2,25
Marsi...................................	1.208	2.768	2,29
Apriili ..................................	978	2.131	2,18
Maajl ..................................  .......................................	1.113	2.458	2,21
Juuni ..................................  .......................................	730	1.411	1,93
Juuli ...................................  .......................................	603	1.287	2,13
Aggusti .................................	745	1.520	2,04
Septembari ..............................	768	1.643	2,14
Oktobari ................................	1.110	2.318	2,09
Novembari ..............................	1.392	2.693	1,93
Decembari ..............................	983	1.981	2,02

 

Ukiumoortumik kisitsisitigutpaasissutissat

Naatsorsueqqissaartarfiup Ukiumoortumik kisitsisitigut paasissutissat 2010-mili qarasaasiatigut saqqummersittalerpai. Ukiumoortumik kisitsisitigut paasissutissat Epub-innngorlugit aamma pdf-inngorlugit kalaallisut danskisullu 1. Juuli 2014-miit saqqummersinneqartalerput. E-bog Naatsorsueqqissaartarfimmit ilusilersorneqartut aaneqarsinnaavoq imaluunniit Ukiumoortumik Kisitsisitigut paasissutissat nammineq pigisassatut nutarterneqarnera kingulliup aanissaa toqqarneqarsinnaalluni. Nammineq pigisassat taamaallaat kapitalinik toqqakkanik imaqarpoq, aammaarluni epub-it imaluunniit pdf-itut kalaallisuua dankisuualuunniit aaneqarsinnaapput.

 

Takussutissiaq 6: E-bogit aaneqartut amerlassusaat

	E-bog1							Nammineq pigisassat2	Katillugit
	Jul	Aug	Sept	Okt	Nov	Dec	I alt
Katillugit	191	117	144	147	146	149	894	722	1.616
Danskisut pdf	126	73	100	107	95	92	593	424	1.017
Danskissut epub	37	19	15	19	15	10	115	254	369
Kalaallisut pdf	14	11	14	13	22	31	105	12	117
Kalaallisut epub	14	14	15	8	14	16	81	32	113
E-bog. Ukiumi 1. juli Naatsorsueqqissaartarfimmit pilersinneqartarput allanngortinneqarnerlu ajorlutik. 2 E-atuakkat nammineq pigisat. Atuisumit pilersinneqartarput tassaallutillu kapitalit nutartikkat kingulliit toqqarneqartut.

 

Unnuk kulturisiorfik oqalugiartarnerillu

Inuttaasut sulisoqarfiup ingerlatsineranik paasisinneqarnissaat siunertaralugu januaarimi arfininngornerit kingullersaasa aappaanni Naatsorsueqqissaartarfik 2014-imi unnummi kulturisiorfimmi peqataaqqippoq. Aaqqissuussineq Ilimmarfimmi ingerlanneqarpoq.

 

Kisitsisaataasivimmik atuinissaq pillugu ilinniartunut aamma Namminersorlutik Oqartussat qitiusumik allaffissuanni sulisunut 2014-imi pikkorissartitsisoqarpoq. Aamma tusagassiortunngornianut bachelorinngorniarlutillu ilinniartunut ilinniartitsissummi Inuiaqatigiinni pissutsit nutaaliaasut pillugit ilinniartitsinermi Naatsorsueqqissaartarfik tapersiivoq.

 

Naatsorsueqqissaartarfik pillugu ilisarititsissut KNR-tv-ip 2014-imi takussutissiaraa. Aallakaatitaq siullermeerluni 2015-imi januaarimi takutinneqarpoq.

 

Facebook

Naatsorsueqqissaartarfik Facebookimi quppernermik 2014-ip naanerani pilersitsivoq. Naatsorsueqqissaartarfimmit nutaarsiassat amerlanerusunut siammarnissaat ilimagalugu qupperneq pilersinneqarpoq. 2015-ip aallartinnerani Facebookimi qupperneq 420-ngajannit malinnaavigineqarpoq.